МЭДЭЭЛЭЛТЭЙ, МЭДЛЭГЭТЭЙ, БАЯН МОНГОЛ УЛСЫН ТӨЛӨӨ!

За яг үнэндээ улсын төлөө биш л дээ. Энэ удаад өөрсдийнхөө тухай ярилцахаар шийдлээ. Ер нь зөндөө л ярьж байсан, гэхдээ хэн ч ажил болгож чадаагүй байсан юм. Харин анх Еэе энэ талаар тодорхой ажил хийж, бүр тэр байтугай Төрийн бус байгууллагын дүрмийг нь хүртэл зохиосон байна. Гэвч тухайн үед хүмүүс анзаараагүй юу эсвэл амжаагүй, ямар ч байсан ажил болгоогүй юмдаг. Харин бид саяхан энэ талаар бас нэг ярилцсан, тэгээд би ямар ч байсан нэг ажил болгох үүрэг өөртөө авсан.

Бид нар хэр баргийн жижиг байгууллагаас илүү зохион байгууллалтанд орсон, жилээс 2-оос доошгүй удаа бөөнөөрөө зугаалга хийж байна, нийлж зааланд тоглож байна, мөнгөө нийлүүлээд зохион байгуулалттай архи ууж байна /хурим, төрсөн өдөр, байрны найр, салхинд гарах гэх мэт/ жил бүр шинэ жилээ тэмдэглэж байна. Ер нь бол хэр баргийн юманд дутахааргүй, нэг том нийгмийн бүлэглэл үүсгээд байна. Бидэн дунд чиглэл бүрээр ажилдаг хүмүүс байна, тэдэнд бас мэдлэг, мэдээлэл, бодож санаж явдаг зүйл их байна. Харин энийг ажил болгох тал дээр заримд нь цаг зав, хүн хүч, холбоо харилцаа, санхүүгийн дэмжлэг хэрэгтэй байхад зарим нэгд нь хөрөнгө оруулагч нь байгаад хийх бизнес нь хэрэгтэй байх юм. Бид найзлаад олон жил боллоо, харин нийлж олигтой юм хийж чадсангүй. Олигтой юм гэдэг нь бол үндсэндээ бид бусдын төлөө л ажилласаар байгаад таарлаа /Төрийн алба энд орохгүй шүү/. Ингээд харахад манайхнаас Бамбар Инж өөрсдөө бизнес хийж байна, за Сек өөртөө ажилдаг байх, бусад нь бүгд л хүний төлөө, муухайгаар хэлбэл бусдын мөнгийг өсгөж өгч байгаа шүү дээ. Бидний хувьд сурсан мэдсэн, хийсэн зүйлтэй хүмүүс их байна, харин одоо энэ сурсан зүйл, ажлын туршлагыг өөрсдийнхөө төлөө ашиглах хэрэгтэй байх. Хэдий болгон зөвхөн архи уух гэж уулздаг, уух болгондоо олон жилийн турш нэг хэвийнээр онигоо ярьж суух вэ? Гэхдээ би энийг муу гэх гээгүй байна, ингэж суухад сайхан стресс тайлагддаг юм. Зүгээр зарим нэг уулзалтыг ажил хэрэгч уулзалт болгоё, түүнээс хэрэгтэй мэдээллээ олж авъя, нийлээд нэг бизнес хийе, гол нь өөрсдийнхөө төлөө юм хийе гэсэн санаа л даа. Бид одоо 30 нас хэдийн хүрчихлээ, хийж бүтээх нас аль хэдийн болсон байна, хэдхэн жилийн дараа хүүхдүүд хүртэл томорчихно, харин бид амьдралд хэрэгцээтэй хуримтлалтай болж чадсан байх уу, зөв байр суурьтай байх уу гээд л тодорхой бус асуудлууд байсаар л байна.

Мөнгө миний хувьд үнэт зүйл биш, мөнгийг би өөрийн зорилго болгоогүй, гэвч хүнд нийгэмд амьдарч байгаагийн хувьд ямар нэгэн байдлаар мөнгө хэрэгтэй гэж боддог. Надад бизнесийн санаа байхгүй, би том хөрөнгө оруулагч биш ч гэсэн энд зөвхөн мөнгө олох зорилгоор биш, бидэнд юу хэрэгтэй вэ гэдгийг бас хөндөх гэж оролдлоо. Еэегийн бичсэн Солбицол төрийн бус байгууллагын талаарх мэдээллийг мөн доор оруулсан, энэ талаар ямар нэг бодолтой байгаа хүн байвал анхааралтай уншаад үзээрэй. Миний хувьд эхний ээлжинд заавал төрийн бус байгууллага байгуулъя гэсэнгүй, ямартай ч бидний хооронд өөрт байгаа мэдээллээ солилцдог, түүнийг заавал бүгд биш ч тодорхой хэмжээнд сонирхсон хүмүүс ажил болгоод аваад явдаг байхад болохоор байна. Хамгийн сүүлийн жишээ гэхэд хотын төвийн А бүсэд Паб түрээслэж болох тухай мэдээлэл байна, үүнийг нэг ажиллагааг нь зөв эхлүүлчихвэл аяндаа өөрөө яваад байх зүйл биш гэж үү, бид нар нэг удаад уухдаа 200-300 мянгад хүргээд байна шүү дээ. Тэр мөнгө эргээд бид нарт ирдэг бол бас нэг алхам болох биш үү. За тэгээд энийг яаж зохион байгуулах уу, хэзээ уулзах боломжтой эсэх, энийг дэмжиж байгаа талаараа идэвхтэй бичээрэй. Энэ блогны үндсэн зорилгын нэг нь энэ биз дээ, МАНАЙХААН !

“Солбицол” Төрийн бус байгууллага

Нэр нь бол зүгээр л жишээ юм шүү

Нэг. “Солбицол” ТББ-ыг байгуулах болсон шалтгаан, зорилго, зорилт

1.1 “Солбицол” ТББ-ыг байгуулах болсон гол шалтгаан нь: Даярчлагдан буй XXI зуунд Монгол залуусын суралцах, өөрийгөө хөгжүүлэх, цэгцтэй мэдлэг, мэдээллийг хамгийн хялбар энгийн аргаар олж авахад гишүүн тус бүр өөрийн мэдлэг боловсролоо бусадтай хуваалцах, бусдаас олж авах зорилгоор сайн дурын үндсэн дээр эвлэлдэн нэгдэж цаашид нэгдсэн нэг бодлого дор үйл ажиллагаа явуулах зорилгоор байгуулж байна.

1.2 “Солбицол” ТББ-ын зорилго нь: өнөөгийн Монголын нийгмийн залуусыг хооронд нь холбох гүүр нь болж тэдэнд дутагдаж байгаа мэдлэг, мэдээллийг гишүүдэд түгээх, гишүүдийн ярих чадварыг нэмэгдүүлэн, илтгэх урлагт суралцуулахад оршино.

1.3 Салбарт бүрт ажиллаж байгаа олон хүмүүс өөрийн эзэмшсэн мэргэжлээрээ ажиллаж их байга хэмжээний туршлага хуримтлуулж байгаа боловч зарим үед энэ нь хангалттай бус санагдаж болно. Түүнчлэн та шинээр ажилд орох, өөрийн бизнесийг эхэлж байгаа бол өөрт учирч байгаа бэрхшээлүүдийг хамгийн энгийн, хялбар аргаар ТТБ-ын гишүүдээс олж авахад оршино.

1.4 “Солбицол” ТББ-ын зорилт нь: “Солбицол” ТББ нь үйл ажиллагаандаа гишүүн бүрт дор дурьдсан чадварыг эзэмшүүлэх үндсэн зорилт дэвшүүлэн ажиллах ба цаашид гишүүдийн хүсэл сонирхолын дагуу шаардлагатай бусад зорилтуудыг дэвшүүлэн ажиллна. Үүнд:

1.4.1 Илтгэх урлагт суралцах;

1.4.2 Цэгцтэй бодож, ярьж сурах;

1.4.3 Илтгэл бичиж сурах;

1.4.4 Олны өмнө ярих чадварыг дээшлүүлэх;

1.4.5 Өөрийн чадвар, давуу талаа бусадтай хуваалцах;

1.4.6 Бусдаас хэрэгцээт мэдээллийг богино хугацаанд олж авах;

1.4.7 Нийгмийн олон салбарт танилын хүрээгээ тэлэх;

1.4.8 Бизнесийн шинэ санаа олох;

1.4.9 Бизнесийн хамтрагчаа олох;

1.5 “Солбицол” ТББ-ын үйл ажиллагааны үндсэн чиглэл нь:

1.5.1 7-14 хоногт нэг удаа 2 цагаас багагүй хугацаанд илтгэл, мэтгэлцээн, ярилцлага явуулах зорилгоор цугларалт зохион байгуулна.

1.5.2 Энэхүү илтгэл, мэтгэлцээн, ярилцлагыг гишүүдийн дундаас болон олонд нэр алдар нь түгсэн хүмээсийг урилгаар оролцуулна.

1.5.3 Гишүүд тавих илтгэл, хэлэлцүүлэх ярилцлагаа хуанлийн 7 хоногийн өмнө Төлөөлөн удирдах зөвлөлд бичгэн хэлбэрээр танилцуулснаар ажлын хөтөлбөрт оруулан цахим хуудсаар гишүүдэд мэдэгдэнэ.

1.5.4 Гишүүд болон урилгаар оролцсон хүмүүсийн тавьсан илтгэл, мэтгэлцээн, ярилцлагыг байгууллагын нарийн бичиг тухай бүрт нь тэмдэглэл үйлдэн цахим хуудсанд байршуулна.

1.5.5 Тухайн өдрийн хурлаас гарсан шийдвэр, цаашид авч болох арга хэмжээний талаар цахим хуудсанд байршуулна.

1.5.6 “Солбицол” ТББ-ын уриа “Боловсруулсан мэдээлэл мэдлэгт хүргэнэ”. Энэхүү урианы гол агуулга нь хүн ямарч хэлбэрээр, хэдийд ч, хаанаас ч мэдээлэл цуглуулж болно гэхдээ гагцхүү цуглуулсан мэдээлэлээ боловсруулж чадсан тохиолдолд мэдээлэл нь мэдлэг болж хувирна.

1.5.7 “Солбицол” ТББ нь өөрийн лого, цахим хуудастай байна.

Загвар№ 1, 2 www.solbitsol.mn /логог тусад нь оруулна/

1.5.8 “Солбицол” ТББ-ын гүйцэтгэгч гишүүн бүр цахим шуудангийн хаягтай байна. / E-mail / Загвар№ 3 enkhbayarya@solbitsol.mn

1.5.9 Удирдах зөвлөлийн шийдвэрээр жилийн эцэст нийт гишүүдийн тавьсан илтгэл, мэтгэлцээн ярилцлагыг сэтгүүл хэлбэрээр хэвлүүлж болно.

1.5.10 Гишүүн бүр заавал “Солбицол” ТББ-ын гишүүн гэсэн нэрийн хуудас ашиглана. Нэрийн хуудасны загвар, тоо ширхэгийг Удирдах зөвлөлөөс батлан гаргана. /Нэрийн хуудасны А талд “Солбицол” ТББ-д харъяалах тухайн гишүүний мэдээлэл, Б талд гишүүний өөрийн үндсэн ажил үүрэгтэй холбоотой мэдээлэл буюу нэрийн хуудас байна /

Загвар№ 4 /загварыг тусад нь оруулна/

Хоёр. Өмчийн хэлбэр

2.1 “Солбицол” ТББ нь: Төрийн бус байгууллагын тухай хуульд нийцүүлэн иргэд, төрийн байгууллага /хууль тогтоох, гүйцэтгэх, шүүх эрх мэдлийг хэрэгжүүлэх байгууллага/-аас бусад хуулийн этгээдээс нийгмийн болон өөрсдийн ашиг сонирхол, үзэл бодлын үүднээс сайн дурын үндсэн дээр байгууллагдан үйл ажиллагаагаа төрөөс хараат бус, өөрийгөө удирдах зарчмаар явуулдаг ашгийн төлөө бус байгууллага байна.

Гурав. Гишүүнчлэл, татвар

3.1 Төрийн бус байгууллагын тухай хуулийн 5.1-д заасны дагуу “Солбицол” ТББ-ын гишүүнчлэл хүн бүрийн өмнө нээлттэй байна.

3.2 Гишүүн нь 18 нас хүрсэн хэн ч байж болно.

3.3 Бүх гишүүдэд “Солбицол” ТББ-ын гишүүнийг нь баталгажуулан үнэмлэх олгоно.

3.4 “Солбицол” ТББ-ын гүйцэтгэгч гишүүний сарын татвар10,000 тоөгрөг, дэмжигч гишүүний сарын татвар 5,000 төгрөг байна.

3.5 Гишүүний үнэмлэх, нэрийн хуудсыг ТББ-аас гишүүдэд олгоно.

3.6 Тус төрийн бус байгууллагын нийт гишүүдийг гүйцэтгэгч, дэмжигч гэсэн үндсэн хоёх бүлэгт хуваана. Үүнд:

3.7 Гүйцэтгэгч гишүүдийн эрх, үүрэг

3.7.1 Гүйцэтгэгч гишүүний эрх:

Ø “Солбицол” ТББ-ын Удирдах зөвлөлд сонгогдох;

Ø Байгууллагын үйл ажиллагаанд хяналт тавих;

Ø Санхүүгийн тайлантай танилцах;

Ø Санал өгөх;

Ø Өөрийн бичсэн илтгэлийг гишүүдэд уншиж санал солилцох;

3.7.2 Гүйцэтгэгч гишүүдийн үүрэг:

Ø Гишүүний татвар төлөх;

Ø Байгууллагын зүгээс зохион байгуулж байгаа ажиллагаанд идэвхитэй оролцох;

3.8 Дэмжигч гишүүдийн эрх, үүрэг

3.8.1 Дэмжигч гишүүний эрх:

Ø Санал өгөх;

Ø Санхүүгийн тайлантай танилцах;

Ø Өөрийн бичсэн илтгэлийг гишүүдэд уншиж санал солилцох;

3.8.2 Дэмжигч гишүүний үүрэг:

Ø Гишүүний татвар төлөх;

Ø Байгууллагын зүгээс зохион байгуулж байгаа ажиллагаанд идэвхитэй оролцох;

Дөрөв. “Солбицол” ТББ-ын бүтэц зохион байгуулалт

4.1 “Солбицол” ТББ-ын бүтэц зохион байгуулалтын схем зураг.

/бүтэц нь Удирдах зөвлөл, түүний дор санхүү, менежер, нарийн бичиг байна. Тэгээд цугларалт гэсэн бүтэц байна. Схемийг оруулж чадсангүй сорри/

Тав. “Солбицол” ТББ-аас гаргах эрх зүйн акт.

5.1 “Солбицол” ТББ нь Төрийн бус байгууллагын тухай хуулийн 10-р зүйлд нийцүүлэн байгууллагын дүрмийг боловсруулан Удирдах зөвлөлөөр батлуулан үйл ажиллагаандаа дагаж мөрдөнө.

5.2 Байгууллагын дүрэмд нийцүүлэн Удирдах зөвлөлөөс дор дурдсан журмуудыг батлаж үйл ажилагаандаа дагаж мөрдөнө. Үүнд:

5.2.1 Хөдөлмөрийн дотоод журам

5.2.2 Санхүүгийн үйл ажиллагааны журам

5.2.3 Гишүүн элсүүлэх, гишүүнээс хасах тухай журам

5.2.4 Илтгэл, хэлэлцүүлэг, ярилцлага бэлдэх, түүнийг хэлэлцэх тухай журам

Зургаа. “Солбицол” ТББ-ын санхүүжилт

6.1 “Солбицол” ТББ-ын байгууллагын орлого, зарлагыг Төрийн бус байгууллагын тухай хуулийн 19, 20-р зүйлд нийцүүлэн ажиллана.

6.1.1 “Солбицол” ТББ-ын орлого нь дараахь эх үүсвэрээс бүрдэнэ. Үүнд:

Ø Гишүүний татвар, хандив;

Ø Иргэд, аж ахуйн нэгж байгууллагын хандив;

Ø Дүрмийн зорилгоо хэрэгжүүлэхтэй холбогдсон аж ахуйн үйл ажиллагаанаас олсон орлого;

Ø зээлийн, өвийн болон төсөл хэрэгжүүлэх зорилгоор улсын төсвөөс олгосон хөрөнгө;

6.1.2 “Солбицол” ТББ-ын нь орлогоо зөвхөн дүрэмд заасан зорилгоо хэрэгжүүлэх үйл ажиллагаанд зарцуулна.

6.1.3 “Солбицол” ТББ-ын орлогыг дараах хэлбэрээр царцуулахыг хориглоно. Үүнд:

Ø “Солбицол” ТББ-ын орлогоос ногдол ашиг хуваарилах, иргэн, аж ахуйн нэгж, байгууллагад хөрөнгийн баталгаа гаргах, тэдгээрийн төлбөрийг төлөхийг;

Ø “Солбицол” ТББ-ын удирдах зөвлөлийн гишүүн ажилтнаас тухайн байгууллагын эд хөрөнгөөр хувийн ашиг олох зорилгоор санхүүгийн буюу аж ахуйн үйл ажиллагаа явуулахыг;

Ø “Солбицол” ТББ нь Улсын Их Хурал, Ерөнхийлөгчийн болон иргэдийн Төлөөлөгчдийн Хурлын сонгуульд нам, эвсэл, нэр дэвшигчдэд эд хөрөнгө, хандив өгөхийг;